Sayt test rejimida ishlamoqda

Oʻz
Oʻz
+99871 207-04-07
+99871 207-04-08
devon@mdo.uz
mdo@exat.uz
100070, Toshkent shahri, Mirobod tumani, Amir Temur ko'chasi, 17 -uy
O‘zbekiston Respublikasi Maktabgacha va maktab t...

O‘zbekiston Respublikasi Maktabgacha va maktab ta’limi vazirligi huzuridagi Maktabgacha ta'lim agentligi direktorining o‘rinbosari

Boshliq o'rinbosari

Muslitdinov Nodir Xojiyevich - O‘zbekiston Respublikasi Maktabgacha va maktab ta’limi vazirligi huzuridagi Maktabgacha ta'lim agentligi direktorining o‘rinbosari etib tayinlandi.

Nodir Muslitdinov 1977-yilda Buxoro viloyatida tugʻilgan, millati oʻzbek. Oliy maʼlumotli, 1999-yilda Buxoro oziq-ovqat va yengil sanoat texnologik institutini tamomlagan.

Mehnat faoliyatini 1999-yilda Davlat mulki qoʻmitasining viloyat boʻlimi yetakchi mutaxassisi sifatida boshlagan.

2000-2001-yillarda Buxoro viloyati Moliya boshqarmasining jamlanma byudjet boʻlimining yetakchi iqtisodchisi boʻlgan.

2001-2006-yillarda Moliya vazirligi tizimidagi tashkilotlarda ishlagan.

2006-2014-yillarda Oʻzbekiston Respublikasi Moliya vazirligi huzuridagi Respublika Maqsadli kitob jamgʻarmasida oʻz faoliyatini olib bordi.

2014-2016-yillarda Oʻzbekiston Respublikasi Moliya vazirligi ijtimoiy soha va fanni moliyalashtirish Bosh boshqarmasining Madaniyat va sportni moliyalashtirish boʻlimi boshligʻi;

2016-2017-yillarda – Oʻzbekiston Respublikasi Moliya vazirligi ijtimoiy va ilmiy moliyalashtirish bosh boshqarmasi boshligʻi muovini;

2017-2019-yillarda Oʻzbekiston Respublikasi Moliya vazirligi ijtimoiy va ilmiy moliyalashtirish bosh boshqarmasi boshligʻining birinchi oʻrinbosari;

2019-2020-yillar Oʻzbekiston Respublikasi Moliya vazirligi ijtimoiy va ilmiy moliyalashtirish bosh boshqarmasi boshligʻi kabi turli rahbar lavozimlarda ishlagan.

2020-2020-yillarda Oʻzbekiston Respublikasi Moliya vazirligining ijtimoiy soha, fan va aholini ijtimoiy muhofaza qilish obyektlarida byudjet siyosati departamenti direktori lavozimida ishlagan.

2020-2021-yillarda Oʻzbekiston Respublikasi Moliya vazirligining aholini ijtimoiy muhofaza qilish va davlat ijtimoiy xizmatlari sohalarida byudjet siyosati departamenti direktori lavozimida ishlagan.

U tayinlangunga qadar, Oʻzbekiston Respublikasi Maktabgacha taʼlim vazirining oʻrinbosari boʻlgan.

Maktabgacha ta'lim agentligi
Mavzuga doir
Maktabgacha ta'lim agentligi
#Aqlvoy_oshpaz QURITILGAN MЕVALAR BILAN GURUCHLI BO‘TQA

TAYYORLASH  TЕXNOLOGIYASI Mayiz yoki bargaklar saralanadi, yuvilib, qaynoq suv bilan chayiladi va 20-30 daqiqa davomida to‘liq shishib chiqqunga qadar suvda qoldiriladi va sovitiladi. Guruchni saralab, avval iliq, keyin issiq suvda yuviladi. Tayyorlangan guruchni qaynab turgan tuzli suvga solib, yarim tayyor bo‘lguncha pishiriladi, ortiqcha suvi to‘kib tashlanadi va me’yordagi qaynatilgan sut qo‘shiladi. Tuz va shakar hamda tayyorlangan mayiz yoki bargak qo‘shiladi va vaqti-vaqti bilan aralashtirib turgan holda quyuqlashguncha qaynatiladi. So‘ngra qozonning qopqog‘i yopilib, taom maromiga yetilib pishgunga qadar past olovda ushlab turiladi. Tarqatilishidan oldin sariyog‘ qo‘shiladi. Taom likopchada tortiladi. Bo‘tqaning tarqatishdagi maqbul harorati +50°C. SIFATIGA QO‘YILADIGAN TALABLAR  Tashqi ko‘rinishi: yorma donalari to‘lishib pishgan, yaxshi qaynatilgan. Rangi: mayiz yoki bargak bilan aralashtirilgan och qaymoqrang yoki kulrang – oq rangda. Ta’m va hidi: mayiz yoki bargak bilan birga qaynatilgan guruchga xos. Tarkibi: bir xil, yopishqoq, donlari yumshoq. Bir bolaga mo‘ljallangan tayyor taom vazni:1-3 yoshga 150 gr, 3-7 yoshga 180 gr.ni tashkil etadi.  MASALLIQLAR  Mahsulotlar va yarim tayyor mahsulotlar nomi 1-3 yoshga / 3-7 yoshga  Guruch 22,5/27 Suv 56/68 Sut 56/68 Mayiz yoki bargak 7,5/99 Sariyog‘ 3,8/4,5 Shakar 3,8/4,5 Tuz 0,8/0,9

Maktabgacha ta'lim agentligi
#Ustozlar_ardoqda

Ayni kunlarda 1-oktabr "O'qituvchi va murabbiylar" kuni munosabati bilan hududlarda tadbirlar bo'lib o'tmoqda.  Xuddi shunday tadbirlardan biri Surxondaryo viloyatining Termiz shahridagi 16-sonli davlat maktabgacha ta'lim tashkilotida bo'lib o'tdi. 1-oktabr "O'qituvchi va murabbiylar" kuni munosabati bilan Termiz davlat pedagogika instituti, Maktabgacha ta'lim  fakulteti hamda Termiz shahar 16-sonli davlat maktabgacha ta'lim tashkiloti hamkorligida "Muallim-qalb me'mori" mavzusida tadbir tashkil etildi. Tadbirda bolajonlar tomonidan tayyorlangan bayram dasturi namoyish etildi va yig'ilganlarga xushkayfiyat bag'ishladi.

Maktabgacha ta'lim agentligi
Respublikadagi 100 ta davlat MTTlarining taʼlim-tarbiya jarayonidagi sifati baholanadi

Ayni kunlarda Toshkent shahrida Maktabgacha ta’lim agentligi hamda Jahon banki bilan hamkorlikda erta yoshdagi bolalarning taʼlim sifati va natijalarini baholash boʻyicha xalqaro MELQO (measuring early learning quality outcomes) baholash tizimi asosida joriy etilgan “Bolalarni erta yoshdan rivojlanishi va maktabgacha taʼlim sifatini baholash tizimi” orqali respublikaning 100 ta davlat maktabgacha taʼlim tashkilotlarida taʼlim-tarbiya jarayoni sifatini baholash hamda ma’lumotlarni jamlash va ularni tahlil qilish bo‘ycha trenerlarni tayyorlashga qaratilgan seminar-trening bo‘lib o‘tmoqda. Seminar-treningda xorijiy trenerlar o'z ma'ruzalari bilan ishtirok etishmoqda. Seminar-trening yakunlangach ishtirokchilar joriy yilning oktabr oyida maʼlumot yigʻish uchun hududlarga xizmat safariga yuborilib, olingan bilimlarning amaliyotga qo‘llanilishi rejalashtirilmoqda.

Вид сайта
Размер шрифта